[full_width]
இனிய சுதந்திர தின நல்வாழ்த்துக்கள்
சுதந்திர தினம்
இன்றுசுதந்திர தினமாம்
தேசியக் கொடியை
தூசிதட்டி எடுத்து
ரத்தம் சிந்தியவர்களை பற்றி
சத்தம் போட்டு முழக்கிவிட்டு
இனிப்பு வழங்கி
அருமையாக சுதந்திரதினத்தை
கொண்டாடிவிட்டு
அத்துடன் மறந்து போவதுதான்
சுதந்திரமாம்
பாரதி இருந்தால்
இப்படித்தான் பாடியிருப்பார்
Bar க்குள்ளே நல்ல நாடு
எங்கள் பாரத நாடு
ஊர் இரண்டு பட்டால்
இங்கு வாழ்வு அது
இல்லையெனில்
அனைவருக்கும் தாழ்வு
ஜாதி மதங்களால்
அரசியல் செய்வார்
ஜென்மம் எடுத்ததே
அதற்குதான்
அச்சமில்லை அச்சமில்லை
அச்சமென்பதில்லயே
அக்கிரமங்கள் செய்வதற்கு
அச்சமில்லையே
எங்கும் ஊழல் என்பதேபேச்சு
எல்லோரும் ஏற்றுக்கொள்வது
என்பதே உறுதியாச்சு
காக்கை குருவி எங்கள்ஜாதிஅதை
அழிப்பதுதான் எங்கள் நீதி
பாதகம் செய்வோரை கண்டால்
பயந்து பதுங்கி விடு பாப்பா
ஓடி விளையாடு பாப்பா நீ
ஓயும் வரை வீடியோ கேம் விளையாடு